هل أنا مريض نفسي ؟ فليكن
نصفي الثاني او "ميرو" كما احبت ان اناديها , ربما ابالغ لكن تلك الفتاة اصبح الحديث معها ادمانا بالنسبة لي
فلاش باك...
-هسألك سؤال .. انت ماشي في الشارع لقيت قطة علي وشك الموت عملت ايه ؟
قتلتها
-انت قتلتها بدافع الرحمة مش كدة ؟
اه
-ده اللي بتحاول تقنع نفسك بيه, انت قتلتها عشان تحس انك مرتاح انت بتحب القتل
اكيد لا انتي بتقولي ايه انا قتلتها عشان لو سبتها هتتعذب لحد ما تموت القتل رحمة ليها
-انا هقنعك انك قتلتها عشان ترضي نفسك
الرؤية مشوشة الأرض تهتز احساس بالسعادة لا اعرف سببه
افقت لأجدها تحتضنني وبيدي سكين مغروس في صدرها صرخت صرخت بأعلي صوت, احسست بشئ ابتسامة كريهة تعلو وجهي حاولت ان ازيلها لكن لا فائدة ما الذي يحدث
لحظة لقد تذكرت ما قالته هل هذا كله وهم كالمرة السابقة ..مستحيل رائحة الدم تفوح مزيج من الاحاسيس المختلفة يتملكني استطعت ان امسك احدهم
وفجأة عدت الي ارض الواقع لأجدها امام نظري لم يحدث لها شئ بها شئ واحد قد تغير..ملابس ؟ لماذا ما الذي تحاول ان توصله الي من كل هذا
قطعت حبل أفكاري بسؤال
-فهمت ؟
نعم لقد فهمت الآن فقط قد فهمت
ايه الاحساس اللي انت كنت حاسس بيه
سعادة سعادة لا توصف..هذا هو الاحساس الذي استطعت ان اشعر به وسط كل هذا
قالت وهناك ابتسامة توحي بانتصار: انت محتاج تقشف عقلي
رجوع...
في كافيتريا المشربية ذهبت بناءا علي موعدي مع حليم
مازال كل شئ كما هو الكراسي الخشبية التي توحي بأنها قهوة بلدي والشاشات الـ LCD التي يذاع عليها كالعادة قناة " التت"
وسيد القهوجي عمال بيرخم عالزباين عشان يطلبوا طلبات وبياخد منهم سجاير
وشلتي قاعدة في مكانها الاستراتيجي المعتاد قدام الشاشة وجنب البار.. لمحني كريم "شخصية فريدة من نوعها بيعشق الدخان لدرجة خلطه بأي حاجة بيعملها في حياته"
ندهلي : ادم ايه ياعم عمال بتبص علي ايه احنا هنا
حبيبي يا كريم .. ذهبت والقيت ما اكرهه "التحية"
عاليمين حليم وجنبه قاعد احمد مجانص كما نناديه في الشلة نظرا لعضلاته التي لا يوجد تفسير منطقي لوجودها وبجانبه كريم
كريم : تعالا اقعد بس عشان احكيلك علي اختراعي الجديد
وكالعادة اي اختراع بيعلنه كريم لازم كلهم يقولوا .. استلم ياعم
بصوا بقا انا اخترعت وحدة قياس مسافات جديدة اسمها "السيجارة"
قلت له : ارغي
بمعني اننا هنقيس مشاويرنا بعد كدة بالسيجارة يعني المشوار ده هيخلص مثلا في سجارتين يعني نولع سجارتين نكون وصلنا
والسيجارة بتتكون من 30 نفس يعني سجارتين 60 نفس
لا احتاج للرد علي هذا سيظل يلح كالعادة الي ان نوافق علي ما يقوله
حليم حاشرا انفه الكبير في حياتي الشخصية : امال ايه المشاكل اللي عندك بقا يابرنس
مش لازم اقول ونبي يا حليم عشان مخنوق المهم
كم اتمني ان اعطيهم النقود واخذ ما جئت بسببه واذهب...
فين حتة الحشيش بقا
احمد : مش هنا دي هتشوفها عالدبوس علي طول مفاجئة
اه اكيد مفاجئة ناصب عليهم كالعادة
قلت محاولا ان اتصنع الاهتمام : امال فين باقي الشلة
حليم : عابد وهلال و محمد وراهم دروس وكدة انت عارف الامتحانات قربت مفيش حد فاضي زينا كتير
فاضي -_- تبا ما الذي يقوله كل ما اريده هو الاصطباحة لأذهب لميرو ثانية
وفجأة دخل من حيث لا ندري مجموعة من البلطجية حاملين سيوف واسلحة نارية وقاموا باطلاق النار في كل مكان
يتبع...
ليست هناك تعليقات:
إرسال تعليق